يالنجي البيتنجان
عن الوصفة
يالنجي البيتنجان جديدة وسهلة. اكتشفوا وصفة، بطريقة تحضير واضحة، مقادير دقيقة، وصور رائعة.
المكونات
- كيلو بيتنجان
- كاسه رز
- حزمه بقدونس
- بصله حبتين بندوره
- ملح ملعقه دبس رمان ملعقه صغيره بن
- 4 ملاعق كبار زيت زيتون
طريقة التحضير
-
1
منحفر البيتنجان انا استعملت بيتنجان حمصي بيجي لونو برغندي يعني مو اسود
-
2
مننقع الرز ساعه ومنغسلو ومنصفيه ومنقطع الخضره ومنفرمها ناعم ومنحطها على الرز
-
3
منتبلو بملح ودبس رمان وملعقه صغيره قهوه اذا مو موجود دبس الرمان منعصر ليمونه ومنضيف الزيت ومنحرك الحشوه ومنتركها ربع ساعه تتشرب النكهات
-
4
منحشي حبات البيتنجان كلها لانو الخضره بدوب منغمرن بمي مع ملعقه ملح وملعقه صغيره صلصه بندوره ومنحطن علغاز تقريبا ساعه الا ربع منسكب اليالنجي ومنقدمو بارد وبالعافيه
قيم هذه الوصفة
وصفات مشابهة
